She`rlar

Ko‘zlaringga oy cho‘kkanmidi Qulog‘ingga aytganda azon? Tanlaganim nom ko‘kdanmidi – Bir yorishdi bu ko‘hna qozon.

(Ibodatga) Bir kun albat jur’atim yig‘ib Ko‘zlaringga termulgim, jonim, Dosh berolsa kipriklar agar, Qarog‘larim ketmasa yonib.

(Ibodatga) Azizam! Kechir meni, shundoq odamman – Sig‘may qoldim dunyolariga. Uning badbo‘y hidlari urdi Yuragimning hulvolariga.

Yo‘l chetida tebrangan maysa Otangmidi, onangmidi, ayt?! Ko‘zlaringga ignalar saysa, Otangmidi, onangmidi, ayt?!

Otamni olib ketdi, Onamni olib ketdi, Hali yurakdan yig‘lashni o‘rganmay. Non oqizoq qilgan damlarim o‘tdi. Endi u suvlarda O‘ylarim oqadi tinmay.

Otam daryo edi, Kattakon daryo, Mening tushlarimda ayqirib oqqan. Bu yolg‘iz daryoga suyangan dunyo O‘tli ko‘zlarimga oqarib boqqan. O‘, daryo otam-a, izingiz qayda, Tushlardin ham ayro […]

Ko‘nglim bilan yasholmadim, nima qilay?  Ko‘ngil berdim ko‘ngil bilmas odamlarga. Onajonim, sinovgami yoki atay Yolg‘iz tashlab ketdingiz-a shu damlarga!

Yana bahor keldi. O‘rik shoxida Pushti kapalaklar yordilar pilla. Yana diydirashib gohi-gohida Yomg‘irda loylarga belandi kunlar.

O‘v, tillari osilgan dunyo, Mening kabi minglab yil yetim. Yaratmishni sog‘indingmi yo Toliqdingmi manzilga yetib?!