“Xayyom” romani uyg‘ur tiliga tarjima qilindi

Nabi Jaloliddinning Umar Xayyom hayoti va ijodi haqidagi “Xayyom” (“Oraliq”) nomli romani uyg‘ur tiliga tarjima qilindi. Uyg‘uristondan ushbu romanni so‘rab murojaat qilgan noshir-tarjimon Ro‘zimuhammad Mutallib asarni uyg‘ur tiliga o‘girib, yaqin kunlarda kitob holida nashr etish niyatida.

Eslatib o‘tamiz, “Xayyom” romani 3 yil mobaynida (2001-2004-yillar) yozilgan va 2011-yilda “O‘zbekiston” nashriyotida kitob holida chop etilgan. Ungacha “Sharq yulduzi” jurnalining 3ta sonida bosilgan. Alohida qayd etish kerakki, “Xayyom” romani muhokamasi paytida o‘zbek adabiyotshunoslari uni alohida e’tirof etishgan.