Ўзбекистон Ёзувчилар уюшмаси қошидаги “Адиб” нашриётида шоир Наби Жалолиддиннинг янги шеърий китоби нашрдан чиқди. Шоир китобни “Энди куз…” деб номлади. Китоб июнь ойидан бошлаб сотувга чиқарилади.
Китоб 4та бўлимдан иборат: “Мангу яшнар баҳорим”, “Соғинчларим, соғинганларим”, “Марҳаболар, Лайлим, сарсон элига”, “Ўзим аввал, ўзим охир”. Шунингдек, “Чиптасиз одамлар” достони ҳам ўқувчиларни бефарқ қолдирмайди.
“Ҳақиқий шеърнинг кечаси, бугуни ва эртаси бор, — деб ёзилади муаллиф дастхатида. — Кечаси шоир юрагида, бугуни қоғозда, эртаси мухлис юрагида. Сизнинг юрагингизни соғиндим!.. Шоирлик не? Шоирлик — бу юрагингни тандирдан узилган иссиқ нон каби бурдалаб-бурдалаб улашиш. Мана, сизга иссиқ нон!”
Мазкур янги китоб 175 саҳифадан иборат бўлиб, ихчам, чўнтакбоплиги ва ўзига хос дизайни билан китобхонларни ўзига ром этишига умид билдирамиз.