O‘zbekiston Yozuvchilar uyushmasi qoshidagi “Adib” nashriyotida shoir Nabi Jaloliddinning yangi she’riy kitobi nashrdan chiqdi. Shoir kitobni “Endi kuz…” deb nomladi. Kitob iyun oyidan boshlab sotuvga chiqariladi.
Kitob 4ta bo‘limdan iborat: “Mangu yashnar bahorim”, “Sog‘inchlarim, sog‘inganlarim”, “Marhabolar, Laylim, sarson eliga”, “O‘zim avval, o‘zim oxir”. Shuningdek, “Chiptasiz odamlar” dostoni ham o‘quvchilarni befarq qoldirmaydi.
“Haqiqiy she’rning kechasi, buguni va ertasi bor, — deb yoziladi muallif dastxatida. — Kechasi shoir yuragida, buguni qog‘ozda, ertasi muxlis yuragida. Sizning yuragingizni sog‘indim!.. Shoirlik ne? Shoirlik — bu yuragingni tandirdan uzilgan issiq non kabi burdalab-burdalab ulashish. Mana, sizga issiq non!”
Mazkur yangi kitob 175 sahifadan iborat bo‘lib, ixcham, cho‘ntakbopligi va o‘ziga xos dizayni bilan kitobxonlarni o‘ziga rom etishiga umid bildiramiz.